অখণ্ড ভাৰতক লৈ গুৰুত্বপুৰ্ণ মন্তব্য আগবঢ়াইছে RSS প্ৰমুখ মোহন ভাগৱতে । হৰিদ্বাৰত অনুষ্ঠিত এক অনুষ্ঠানত মোহন ভাগৱতে কয় ,সনাতন ধৰ্মই হল অখণ্ড ভাৰত । RSS প্ৰমুখ গৰাকীয়ে লগতে কয় , ভাৰত অখণ্ড ভাৰত হিচাপে নিৰ্মাণ হবলৈ যদিও ২০ ৰ পৰা ২৫ বছৰ লাগিব , যদিহে ভাৰতৰ জনতা সজাগ হয় তেন্তে অখণ্ড ভাৰত নিৰ্মাণ কৰিবলৈ আমাক মাথো প্ৰয়োজন হব ১০ ৰ পৰা ১৫ বছৰ । আমি প্ৰয়াস কৰিলে স্বামী বিবেকানন্দ আৰু মহাৰ্ষি অৰবিন্দৰ সপোনৰ অখণ্ড ভাৰত নিৰ্মাণ কৰিবলৈ আমাক প্ৰয়োজন হব ১০ ৰ পৰা ১৫ বছৰ । আমাক কোনেও বাধা দিব নোৱাৰে , বাধা দিবলৈ আহিলে নিজেই ধ্বংস হব ।
মোহন ভাগৱতে কয় , ভাৰত এতিয়া উত্থানৰ দিশে তীব্ৰ গতিৰে আগবাঢ়িছে । উত্থানৰ এই যাত্ৰাত ভাৰত সকলোৱে সংগ দিয়ক । এই যাত্ৰাক বাধাপ্ৰদান নকৰাৰ আহ্বান RSS প্ৰমুখগৰাকীৰ ।
স্বয়ংসেৱক সংঘৰ প্ৰমুখগৰাকীয়ে লগতে কয় , ভাৰতৰ সনাতন ধৰ্মক ধ্বংস কৰিবলৈ বিগত ১ হেজাৰ বছৰ ধৰি চেষ্টা চলাইছিল । সনাতন ধৰ্মক ধ্বংস কৰিবলৈ চেষ্টা চলোৱা সকল ধ্বংস হল ,কিন্ত সনাতন ধৰ্ম বৰ্তমানে অটল হৈ থাকিল ।
National desk , Ne India News
