মঙলবাৰে লখিমপুৰস্থিত লীলাবাৰী বিমানবন্দৰত শুভ উদ্বোধন কৰা হয় ৰেডবাৰ্ড ফ্লাইট ট্ৰেনিং একাডেমীৰ । কেন্দ্ৰীয় অসামৰিক বিমান পৰিবহণ মন্ত্ৰী জ্যোতিৰাদিত্য সিন্ধিয়াই শুভ উদ্বোধন কৰে একাডেমী খন । উত্তৰ পুৱৰ উচ্চাভিলাষী আত্মনিৰ্ভৰ ভাৰতৰ উদ্যোগত স্থাপন হব লগা ৯ টা বিমান প্ৰশিক্ষণ একাডেমীৰ অন্যতম হব লখিমপুৰৰ লীলাবাৰী বিমানবন্দৰৰ ৰেডবাৰ্ড ফ্লাইট ট্ৰেনিং একাডেমীখন ।
প্ৰায় ২০০ প্ৰশিক্ষাৰ্থীক প্ৰশিক্ষণ দিব লগা একাডেমীখনত দৰিদ্ৰ আৰু নিম্ন মধ্যবিত্ত শ্ৰেণীৰ মেধাবী ছাত্ৰ-ছাত্ৰীৰ বাবে সংৰক্ষিত থাকিব ১০ শতাংশ আসন ।
লীলাবাৰী বিমানবন্দৰৰ ৰেডবাৰ্ড ফ্লাইট ট্ৰেনিং একাডেমীৰ উদ্বোধনী অনুষ্ঠানত কেন্দ্ৰীয় অসামৰিক বিমান পৰিবহণ মন্ত্ৰী জ্যোতিৰাদিত্য সিন্ধিয়াৰ লগতে উপস্থিত থাকে অসমৰ মুখ্যমন্ত্ৰী ডঃ হিমন্ত বিশ্ব শৰ্মা । লগতে উপস্থিত থাকে কেন্দ্ৰীয় আইন আৰু ন্যায় বিভাগৰ মন্ত্ৰী কিৰেণ ৰিজিজু , সাংসদ প্ৰদান বৰুৱা , বিধায়ক মানৱ ডেকা আদি ।
News Desk , Ne India News
