মহাৰাষ্ট্ৰত মজজিদৰ লাউড স্পীকাৰ বিতৰ্কই ক্ৰমে তীব্ৰ ৰুপ লৈছে । মজজিদৰ পৰা লাউডস্পীকাৰ আতৰাবলৈ মহাৰাষ্ট্ৰ নৱনিৰ্মাণ সেনা ( MNS) ৰ অধ্যক্ষ ৰাজ ঠাকৰেই ৩ মেলৈ সময়সীমা বান্ধি দিছিল । অন্যথা মজজিদ সমুহৰ সন্মুখত হনুমান চালিচা পাঠ কৰিব বুলি হুমকি দিছিল । ৩ মেৰ সময়সীমা অতিক্ৰম কৰাৰ পিচত আৰু অধিক আক্ৰমণত্মাক হৈ পৰিছে ৰাজ ঠাকৰে । মজজিদৰ লাউড স্পীকাৰ আঁতৰোৱাৰ ক্ষেত্ৰত বা লাউড স্পীকাৰৰ শব্দ নিয়ন্ত্ৰণৰ ক্ষেত্ৰত মহাৰাষ্ট্ৰৰ শিৱসেনা চৰকাৰৰ উদাসীনতাত ৰাজনৈতিক উত্তাপ ক্ৰমে বৃদ্ধি পাইছে । হনুমান চালিচা পাঠ কৰা বাবে ইতিমধ্যে কেবাগৰাকীও MNS সমৰ্থকৰ বিৰুদ্ধে মহাৰাষ্ট্ৰ চৰকাৰে গোচৰ ৰুজু কৰিছে ।
ইয়াৰ মাজতে বলিউডৰ জনপ্ৰিয় গায়িকা অনুৰাধা পডোৱালৰ এক মন্তব্য প্ৰকাশ পাইছে । মজজিদত আজানৰ বাবে লাউডস্পীকাৰ ব্যৱহাৰত নিষেধাজ্ঞ আৰোপ কৰিবলৈ দাবী গায়িকা অনুৰাধা পডোৱালৰ । হেজাৰৰো অধিক সুমধুৰ গীতত কন্ঠ দান কৰা জনপ্ৰিয়া গায়িকা গৰাকীয়ে কয় , ভাৰতত আজানৰ বাবে লাউড স্পীকাৰ ব্যৱহাৰ কৰাৰ প্ৰয়োজন নাই ।
সংবাদ মাধ্যমেৰে হোৱা বাৰ্তালাপত গায়িকা গৰাকী লগতে কয় , মই বিশ্বৰ বহু দেশ ভ্ৰমণ কৰিছো । মই এনেকুৱা কতো দেখা , যিবোৰ ভাৰতত হয় । আনকি ইচলামিক ৰাষ্ট্ৰতো লাউডস্পীকাৰ ব্যৱহাৰত নিষেধাজ্ঞ আছে । যদিহে ইচলামিক ৰাষ্ট্ৰ সমুহেই লাউডস্পীকাৰ ব্যৱহাৰৰ বাবে উৎসাহিত নকৰে , ভাৰতত ইয়াৰ প্ৰয়োজনীয়তা কি ?
প্ৰসিদ্ধ গায়িকা গৰাকীয়ে লগতে কয় , মই কোনো ধৰ্মৰ বিৰোধী নহয় । যদি মুচলাম সমাজে আজানৰ সময়ত লাউডস্পীকাৰ ব্যৱহাৰ বন্ধ নকৰে , আনসকলেও লাউডস্পীকাৰত হনুমান চালিচা পাঠ কৰিবলৈ আৰম্ভ কৰিব । তেতিয়া কিন্ত সমাজত এক অশুভ পৰিবেশৰ সৃষ্টি হব ।
National Desk , Ne India News
