বৰপেটাৰ সৰ্থেবাৰীৰ সমীপৰ চিনাদি গাৱত পানীত পৰি এজনৰ মৃত্যু
বৰপেটাৰ সৰ্থেবাৰীৰ সমীপৰ চিনাদি গাৱত পানীত পৰি এজনৰ মৃত্যু৷ মৃত লোকজনৰ নাম দীপক ডেকা (৫৬) ৷ চিনাদি গাৱৰ পথৰ কাষৰ পথাৰৰ বানত পৰি মৃত্যু হয় লোকজনৰ ৷ আজি পুৱা একাংশ লোকে লোকজনক পানীত পৰি থকা অৱস্থাত প্ৰত্যক্ষ কৰাৰ পিচতে গাওখনত হাহাকাৰ লাগে ৷ লোকজনে কি পৰিস্থিতিত মৃত্যু হ’ল সেয়া জানিব পৰা নাই যদিও লোকজন মৃগী ৰোগত ভূগি আছিল বুলি ৷ বুধবাৰে নিশা লোকজন পানীত পৰি মৃত্যু হোৱাৰ সন্দেহ গাওবাসীৰ ৷ গাওবাসীয়ে জনোৱামতে লোকজনে দিনৰ ভাগত পথাৰৰ মাজত জাল পাতিছিল ৷ জাল চাবলৈ যোৱাৰ সময়তে লোকজনৰ মৃত্যুৰ সন্দেহ স্থানীয় লোকৰ ৷ লোকজনৰ মৃতদেহ এতিয়াও পানীৰ পৰা উদ্ধাৰ কৰা হোৱা নাই ৷
স্বৰ্ণদ্বীপ ডেকা , সৰ্থেবাৰী, Ne India News
