এগৰাকী বৃদ্ধা মাতৃক বিছাৰি হাবাথুৰি খাইছে ছয়গাঁৱৰ কৰাইবিলৰ এটি পৰিয়াল ৷
কামৰূপ জিলাৰ ছয়গাঁও সমষ্টিৰ কৰাইবিল গাঁৱৰ এইগৰাকী বৃদ্ধা মহিলা ২২ মে’ত সন্ধানহীন হোৱাত পৰিয়ালটোত হাহাকাৰ পৰিস্থিতিৰ সৃষ্টি হৈছে ৷ কৰাইবিল গাঁৱৰ আবেদ আলীৰ পত্নী পতিৰণ বেওৱা (৬৫) নামৰ মহিলা গৰাকী ২২ মেত গুৱাহাটী সাতগাঁৱত থকা নিজ কণ্যাৰ ঘৰলৈ যাবলৈ ওলায় ৷ পুত্ৰ নতুব আলীয়ে হাতীশলা বজাৰত গাড়ীত উঠাই দিয়ে মহিলা গৰাকীক ৷ পূৰ্বেও এইদৰে অকলে কণ্যাৰ ঘৰলৈ অহাযোৱা কৰে যদিও সেইদিনা কণ্যাৰ ঘৰ নাপায় বৃদ্ধা মহিলা গৰাকী ৷ জালুকবাৰীত ভুলক্ৰমে বেলেগ গাড়ীত উঠাৰ সন্ধেহ প্ৰকাশ কৰিছে পৰিয়ালৰ লোকে ৷ মহিলা গৰাকী কন্যাৰ ঘৰ নোপোৱাত পৰিয়াল দুটাৰ মাজত হাহাকাৰ পৰিস্থিতিৰ সৃষ্টি হয় ৷ বিভিন্ন ঠাইত বিচাৰখোচাৰ কৰিও সন্ধান উলিয়াব পৰা নাই মহিলা গৰাকীৰ ৷ সেয়ে বৃদ্ধা মহিলা গৰাকীৰ কোনো সন্ধান পালে 6001068794, 9954087750, 7670043662 নম্বৰত যোগাযোগ কৰিবলৈ পৰিয়ালৰ লোকে কাতৰ আহ্বান জনাইছে ৷
মহিদুল ইছলাম ,বকো ,Ne India News
