বানপানীৰ সময়ত অসমলৈ মনত নপৰে অৰবিন্দ কেজৰিৱালৰঃ মুখ্যমন্ত্ৰী

57

বানপানীৰ সময়ত অসমলৈ মনত নপৰে অৰবিন্দ কেজৰিৱালৰঃ মুখ্যমন্ত্ৰী

অসমৰ মুখ্যমন্ত্ৰী ডঃ হিমন্ত বিশ্ব শৰ্মা আৰু দিল্লীৰ মুখ্যমন্ত্ৰী অৰবিন্দ কেজৰিৱালৰ মাজত অব্যাহত আছে Tweeterৰ যুঁ‌জ । কেজৰিৱালৰ অসম ভ্ৰমণৰ আগ্ৰহক লৈ ৰবিবাৰে টুইটাৰৰ যোগেৰে তীব্ৰ কটাক্ষ অসমৰ মুখ্যমন্ত্ৰী ডঃ হিমন্ত বিশ্ব শৰ্মাৰ । মুখ্যমন্ত্ৰী ডঃ শৰ্মাই টুইটাৰৰ যোগেৰে কয় , আজি আপুনি (কেজৰিৱাল) অসমলৈ অহাৰ আগ্ৰহী হৈছে । কিন্ত মই দুখী আৰু হতাশ অনুভৱ কৰিছো যে আপোনাৰ অসমলৈ অহাৰ বাবে সেইসময়ত ইচ্চা জাগ্ৰত নহয় যিসময়ত আমাৰ ৰাজ্যৰ জনতাই বানপানীৰ দৰে ভয়ানক প্ৰাকৃতিক দুৰ্যোগৰ সৈতে যুঁ‌জি থাকে ।


মুখ্যমন্ত্ৰী ডঃ হিমন্ত বিশ্বই দিল্লীৰ উপ-মুখ্যমন্ত্ৰী মণিষ চিচোদিয়া সন্ধৰ্ভতো এক ইংগীতপুৰ্ণ মন্তব্য আগবঢ়াই টুইটাৰৰ যোগেৰে । অৰবিন্দ কেজৰিৱালক উদ্দেশ্য কৰি মুখ্যমন্ত্ৰী ডঃ শৰ্মাই টুইট কৰি কয় , আপোনাৰ উপ-মুখ্যমন্ত্ৰী মণিষ চিচোদিয়াক ইতিমধ্যে অসমলৈ আমন্ত্ৰণ প্ৰেৰণ কৰা হৈছে ।
উল্লেখ্য যে , অসমৰ মুখ্যমন্ত্ৰী ডঃ হিমন্ত বিশ্বৰ শৰ্মা আৰু তেওঁ‌ৰ সহধৰ্মিনী, পুত্ৰৰ বিৰুদ্ধে দুৰ্নীতিৰ অভিযোগ আনিছিল দিল্লীৰ উপ-মুখ্যমন্ত্ৰী মণিষ চিচোদিয়াই । চিচোদিয়াৰ এই মন্তব্যৰ বিৰুদ্ধে মুখ্যমন্ত্ৰী ডঃ শৰ্মাই মানহানীৰ গোচৰ তৰিছিল । উক্ত গোচৰৰ বাবে কামৰুপ ন্যায়িক আদালতে চেপ্তেম্বৰৰ অন্তিম ভাগত আদালতত উপস্থিত হোৱাৰ বাবে মণিষ চিচোদিয়ালৈ জাননী প্ৰেৰণ কৰিছিল ।
অসমৰ মুখ্যমন্ত্ৰী ডঃ হিমন্ত বিশ্ব শৰ্মা আৰু দিল্লীৰ মুখ্যমন্ত্ৰী অৰবিন্দ কেজৰিৱালৰ মাজত চচিয়েল মিডিয়াত যুঁ‌জ আৰম্ভ হৈছিল বুধবাৰৰ পৰা । ৰাজ্যৰ কেবাখনো চৰকাৰী মাধ্যমৰ স্কুল অসম চৰকাৰে বন্ধ কৰি দিব বুলি মুখ্যমন্ত্ৰী ডঃ হিমন্ত বিশ্ব শৰ্মাই কৰা ঘোষণাৰ পিচতে , টুইটাৰত প্ৰতিক্ৰিয়া দিছিল অৰবিন্দ কেজৰিৱালে । টুইটাৰৰ যোগেৰে কেজৰিৱালে অসমৰ চৰকাৰী মাধ্যমৰ স্কুল পৰিদৰ্শন কৰাৰ আগ্ৰহ প্ৰকাশ কৰিছিল । তাৰপিচতে আৰু দিল্লীৰ মুখ্যমন্ত্ৰীৰ মাজত আৰম্ভ হৈছিল টুইটাৰৰ যুঁ‌জ ।ৰবিবাৰে টুইটাৰৰ যোগেৰে অৰবিন্দ কেজৰিৱালক দিয়া মুখ্যমন্ত্ৰী ডঃ হিমন্ত বিশ্ব শৰ্মাৰ উত্তৰে বিশেষ চৰ্চা লাভ কৰিছে ।

মুখ্যমন্ত্ৰী ডঃ শৰ্মাই ধাৰাবাহিক ভাৱে দিল্লী আৰু অসমৰ মাজত থকা ভিন্নতা উনুকিয়াই দি আহিছে টুইটাৰৰ যোগেৰে । দিল্লীৰ মুখ্যমন্ত্ৰী অৰবিন্দ কেজৰিৱালৰ অজ্ঞানতা দুৰ কৰাৰ বাবে , অসমৰ মুখ্যমন্ত্ৰী য়ে উনুকিয়াই দিছিল যে অসম দিল্লীতকৈ ৫০ গুণ ডাঙৰ ৰাজ্য । অসমত ৪৪ হেজাৰ ৫২১ খন চৰকাৰী স্কুল আছে । এই স্কুল সমুহত ৬৫ লাখ ছাত্ৰ-ছাত্ৰীয়ে শিক্ষাগ্ৰহণ কৰে । ইয়াৰ বিপৰীতে দিল্লীত আছে মাথো ১ হেজাৰতকৈ অলপ বেছি চৰকাৰী স্কুল ।
অসমৰ মুখ্যমন্ত্ৰী ডঃ হিমন্ত বিশ্ব শৰ্মাই নিৰ্বাচনৰ সময়ত অৰবিন্দ কেজৰিৱালে দিল্লীৰ জনতাক দিয়া প্ৰতিশ্ৰুতি মনত পেলায় দিয়ে । অৰবিন্দ কেজৰিৱালক ডঃ হিমন্ত বিশ্ব শৰ্মাৰ প্ৰশ্ন , দিল্লীক লণ্ডন আৰু পেৰিচ দৰে বনোৱাৰ কথা আছিল , মনত আছেনে কেজৰিৱালজী ?

News Desk, Ne India News

LEAVE A REPLY

Please enter your comment!
Please enter your name here