ধলা শদিয়াৰ ডঃ ভুপেন হাজৰিকা সেতুৰ সমীপত ৰাষ্ট্ৰীয় ঘাই পথ অৱৰোধ
তিনিচুকীয়া জিলাৰ ধলা-শদিয়া সংযোগী পথৰ ডঃভূপেন হাজৰিকা সেঁতুৰ সমীপৰ খেৰবাৰী তিনিআলিত মঙ্গলবাৰে সংঘটিত হৈছিল এক শোকাবহ পথ দুৰ্ঘটনা ।
এই পথ দূৰ্ঘটনা সংঘটিত কৰি আৰক্ষী বাহন খন পলায়ন কৰে ।
এই ঘটনাৰ প্ৰতিবাদত বুধবাৰে পূৱাৰে পৰাই প্ৰতিবাদত নামি পৰিল স্থানীয় ৰাইজ।
মঙলবাৰৰ উক্ত দূৰ্ঘটনাটোত তিনিচুকীয়া জিলাৰ ছৈখোৱাৰ আৰৈমুৰীয়া গাঁৱৰ ইলাৱন্ত সোনোৱাল(৮২)নামৰ এগৰাকী বৃদ্ধ লোকৰ মৃত্যু ঘটে।
আৰক্ষীৰ গাড়ীয়ে বিপৰীত দিশেৰে আহি দূৰ্ঘটনা সংঘটিত কৰি পলাই যোৱাৰ প্ৰতিবাদত বুধবাৰে পথ অৱৰোধ কৰে ৰাইজে । এঘণ্টা প্ৰতিবাদ কৰাৰ অন্তত ডুমডুমাৰ চক্ৰ বিষয়াক এখন দাবী পত্ৰ দিয়াৰ পিছতে পথ অৱৰোধ উঠাই লয় প্ৰতিবাদকাৰী সকলে ।
ৰন্টু বৰশইকীয়া, তিনিচুকিয়া , Ne India News
