তিনিচুকীয়া জিলাৰ টঙনা আৰক্ষী থানাৰ অন্তৰ্গত টঙনা বজাৰ নিৱাসী স্বৰ্গীয় ধন বাহাদুৰ দৰ্জীৰ পুত্ৰ ললিত দৰ্জীৰ মৃতদেহ মংগলবাৰে পুৱাই টঙনা চাহ বাগিচাৰ ৭ নম্বৰ লাইনত উদ্ধাৰ কৰা হৈছিল । ললিত দৰ্জীৰ মৃতদেহৰ কেইবাস্থানতো চোকা অস্ত্ৰৰ দাগ স্পষ্ট ৰূপত দেখিবলৈ পোৱা গৈছিল, যাৰ বাবে পৰিয়ালে এইয়া এক হত্যাকাণ্ড বুলি দাবী কৰি টঙনা আৰক্ষী থানাত এখন এজাহাৰ দাখিল কৰিছিল । উক্ত এজাহাৰৰ ভিক্তিত টঙনা আৰক্ষীয়ে অভিযান চলাই টঙনা ৮ নম্বৰ লাইনৰ পৰা ললিত দৰ্জীৰ হত্যাকাণ্ডৰ মূল অভিযোক্ত নাগা মুণ্ডা নামৰ এজন যুৱকক গ্ৰেপ্তাৰ কৰি জেল হাজুতলৈ প্ৰেৰণ কৰিছে । আৰক্ষীৰ জেৰাত নাগা মুণ্ডাই নিজ বাসগৃহতেই ললিত দৰ্জীক মৰিয়াই হত্যা কৰাৰ কথা স্বিকাৰ কৰা বুলি আৰক্ষীয়ে জানিবলৈ দিছে ।
ৰন্টু বৰশইকীয়া ,তিনিচুকীয়া ,Ne India News
