আজিৰ পৰা আৰম্ভ হৈছে সংসদৰ বৰ্ষাকালীন অধিবেশন
সোমবাৰৰ পৰা আৰম্ভ হৈছে সংসদৰ বৰ্ষাকালীন অধিবেশন । এই অধিবেশন ১২ আগষ্টলৈ চলিব ।
এইবাৰ সংসদৰ বৰ্ষাকালীন অধিবেশনত চৰকাৰক ঘেৰিবলৈ সাজু হৈছে বিৰোধী । অধিবেশন উত্তপ্ত হোৱাৰ সম্ভাৱনা আছে ।
বিৰোধীয়ে মুল্যবৃদ্ধি , বেৰোজগাৰী তথা অগ্নিপথ আঁচনিক লৈ চৰকাৰক শলঠেকত পেলোৱাৰ ৰণনীতি যুগুত কৰিছে । বৰ্ষাকালীন অধিবেশনৰ পুৰ্বে যোৱা ৰবিবাৰে চৰকাৰে সৰ্বদলীয় বৈঠক অনুষ্ঠিত কৰিছিল । যত বিভিন্ন ৰাজনৈতিক দলৰ নেতাই অংশ লৈছিল । এইবাৰৰ বৰ্ষাকালিন অধিবেশনত সাংসদ সকলৰ ১৮ খন বৈঠক অনুষ্ঠিত হব ।
সংসদৰ বৰ্ষাকালিন অধিবেশনত চৰকাৰে প্ৰায় ২৪ বিধেয়ক গৃহীত কৰিবৰ বাবে লোকসভাত উত্থাপন কৰিব । ইয়াৰ মাজত আছে বন সংৰক্ষণ সংশোধনী বিধেয়ক , শক্তি সংৰক্ষণ সংশোধনী বিধেয়ক , পৰিয়াল আদালত সংশোধনী বিধেয়ক , ৰাষ্ট্ৰীয় ৰেল পৰিবহন সম্পৰ্কীয় বিধেয়ক ।
National Desk, Ne India News
